Enrico Mentana

Enrico Mentana (Milàn, 15 ad Śnar dal 1955) 'l è 'n giurnalìsta, scritōr e cundutōr televiśìṿ, fundadōr ed ex diretōr dal TG5 da 'l 1992 a 'l 2004. Adès 'l è al diretōr dal TG LA7.

Da 'l 2002 'l è spuśâ cun la mudèla Michela Rocco di Torrepadula e sèg al gh'à dū fiōi, Giulio e Vittoria.

Fiōl dla Lella e dal giurnalìsta spurtìṿ Franco Mentana, Enrico al crés da pìcul in dal quartêr milanéś dal Giambellino. Da śóvan al stùddia a 'l liceo clàsic Alessandro Manzoni e al tōś part a 'l muimènt anàrchic Movimento Socialista Libertario e pò a 'l Partî Sucialìsta, dvintànd al diretōr dla rivìsta Giovane Sinistra. Dòp avér studiâ Siénsi Pulìtichi a l'Università dla sò sità, al 2 ad Favràr dal 1982 al dvénta giurnalìsta ad mistēr.

Al taca a lauràr a la RAI al 27 ad Favràr dal 1980 e par lē al cònta al spuśalìsi ad Carl 'd Inghiltèra e Lady Diana. Al gh rèsta p'r und'ś an par pò pasàr a Mediaset par dar vita, insém a Lamberto Sposini, Clemente J. Mimun, Emilio Carelli, Cesara Buonamici e Cristina Parodi, a 'l TG5. 'L 11 ad Nuvémbar dal 2004 al lasa 'l pòst ad diretōr a Carlo Rossella e al taca la cundusiòṅ dla traśmisiòṅ Matrix. In dal Favràr dal 2009 al dà al dimisiòṅ.

Dòp avér laurâ p'r al purtàl internet dal Corriere della Sera (cun Mentana Condicio), al 2 ad Luj dal 2010 al dvénta diretōr dal telegiurnàl ad LA7, cumparénd sèmp'r in vìddeo in dl'edisiòṅ dla sira 'd òt óri.

• TG1 (Rai 1, 1987-1990)
• Speciale TG1 (Rai 1, 1991)
• Altri particolari in cronaca (Rai 2, 1988-1991)
• TG5 (Canale 5, 1992-2004)
• Braccio di Ferro (Canale 5, 1992-1994)
• Diritto e Rovescio (Canale 5, 1993)
• Testa a testa (Canale 5, 1996)
• Esclusivo 5 (Canale 5, 1997-1998)
• I tre tenori (Canale 5, 1998)
• Solo Corrado (Canale 5, 1999)
• Rotocalco (Canale 5, 2000)
• Terra! (Canale 5, 2000-2001)
• Nel centro del mirino (Canale 5, 2001)
• Dopo il maremoto (Canale 5, 2004)
• Matrix (Canale 5, 2005-2009)
• Serie A - Il grande calcio (Canale 5, 2006)
• Telethon (Rai 2, 2010)
• TG LA7 (LA7, Dal 2010)
• Film Evento (LA7, Dal 2011)
• Bersaglio Mobile (LA7, Dal 2011)
• Film Cronaca (LA7, Dal 2012)

• 1995 - Prèmi Ìschia
• 1998 - Telegàt Speciàl par Esclusivo 5 (insém a Maurizio Costanzo)
• 1999 - Prèmi Casalegno
• 2001 - Prèmi Val di Sole
• 2003 - Telegàt cuma Mijóra traśmisiòṅ 'd infurmasiòṅ e cultùra p'r al TG5
• 2004 - Prèmi Art e Cultùra La Bagnaia
• 2008 - Prèmi Radiogrolle" cuma "Mijóra traśmisiòṅ 'd infurmasiòṅ" par 100 secónd
• 2008 - Prèmi Regìa Televiśìva in dla Categurìa Top Ten par Matrix
• 2008 - RadioGrolla cuma Mijóra traśmisiòṅ 'd infurmasiòṅ par 100 secónd
• 2010 - Prèmi Baròc
• 2010 - Prèmi Baldassarre Molossi categurìa Diretōr d'l an
• 2011 - Prèmi Regìa Televiśìva categurìa Mijór Telegiurnàl
• 2011 - GrandPrix - Reclàm Itàglia categurìa Diretōr d'l an
• 2011 - Prèmi Saint-Vincent p'r al giurnalìśum categurìa Televiśiòṅ
• 2011 - Prèmi Śinèstra 'd Òr
• 2011 - Prèmi Biagio Agnes categurìa Giurnalìsta par la televiśiòṅ
• 2011 - Prèmi Giurnalìstic Boccaccio - Montanelli
• 2012 - Prèmi Internasiunàl giurnalìśum sivîl